جسٹس راجہ سعید اکرم نے قائم مقام چیف جسٹس آزاد کشمیر سپریم کورٹ کے عہدے کا حلف اٹھا لیا، اسلام آباد: صدر آزادکشمیر سردارمسعودخان نے ایوان صدرمظفرآبادمیں سادہ اورمختصرتقریب میں ان سے قائم مقام چیف جسٹس کے عہدے کاحلف لیا، تقریب میں جج صاحبان آزاد جموں و کشمیر ہائی کورٹ جسٹس اظہر سلیم بابر ، جسٹس صداقت حسین راجہ ، جسٹس سردار اعجازاحمد ، جسٹس خالد یوسف ، جسٹس رضا علی خان ، چیئرمین سروس ٹریبونل خواجہ محمدنسیم ،ممبران سروس ٹریبونل ، ایڈیشنل چیف سیکرٹری (ترقیات) سید آصف حسین ، سیکرٹری صاحبان حکومت ، سربراہان محکمہ جات ، عہدیداران آزاد جموں وکشمیر بار کونسل ، سپریم کورٹ بار ایسوسی ایشن ، سینئر وکلاء ، میڈیا ،خواتین وکلاء اور سول سوسائٹی کی کثیر تعداد بھی موجود تھے ۔ قبل ازیں ڈرافٹسمین محکمہ قانون رزاق ندیم نے جسٹس راجہ سعید اکرم خان کی بحیثیت قائمقام چیف جسٹس آزاد جموں وکشمیر تعیناتی کا نوٹیفکیشن پڑھ کر سنایا ۔