صحت عامہ سے متعلق شعور اجاگر کرنے اوربہتر طبی سہولیات کی فراہمی کے لئے پاک بحریہ نے سا حل ویلفیئر ایسوسی ایشن اور الفت فا ؤنڈیشن کے اشتراک سے کراچی کے علاقے شمس پیر آئی لینڈ میں مفت میڈیکل کیمپ قائم کیا۔ کراچی: جنرل فزیشن ، گائنی ، میڈیکل ، سرجیکل ، جلد اور بچوں کے امراض کے ماہر ڈاکٹرز پر مشتمل ٹیم نے میڈیکل کیمپ میں خدمات انجام دیں۔پاک بحریہ کی جانب سے قائم کردہ میڈیکل کیمپ میں مفت علاج اور ادویات کی فراہمی کے علاوہ معمو لی آپریشنز بھی کئے گئے۔ اس کے علاوہ لیکچرز کا اہتمام بھی کیا گیا۔