لاہور ( 9 نیوز) منی لانڈرنگ کیس میں  پاکستان مسلم لیگ ن کے رہنما اور اپوزیشن لیڈر پنجاب اسمبلی حمزہ شہباز   کے جوڈیشل ریمانڈ میں 28 نومبر تک توسیع کر دی گئی ۔ حمزہ شہباز کو  منی لانڈرنگ کیس میں جوڈیشل ریمانڈ مکمل ہونے پر  جیل سے احتساب عدالت لاہور پیش کیا گیا ، جہا جج چودھری امیر محمد خان نے کیس کی سماعت کی ۔ دوران سماعت  عدالت نے استفسار کیا کہ  ریفرنس کب  فائل کیا جائے گا جس پر نیب پراسیکیوٹر نے  بتایا کہ ریفرنس کی تیاری آخری مراحل میں ہے  ، عدالت نے  حمزہ شہباز  کے جوڈیشل ریمانڈ میں  28 نومبر تک توسیع کر دی ۔ حمزہ شہباز کی پیشی کے موقع پر عدالت میں سکیورٹی  کے سخت انتظامات کئے گئے تھے ، کمرہ عدالت میں جانے سے روکنے پر وکلاء نے پولیس اہلکاروں سے ہاتھا پائی بھی کی ۔