اسلام آباد: وزیر اعظم کے معاون خصوصی برائے احتساب شہزاد اکبر کا کہنا ہے کہ نانا کی لاش پر بیٹھے نواسے کی تصویر عالمی ضمیر اور سلامتی کونسل پر دھبہ ہے۔ تفصیلات کے مطابق وزیر اعظم عمران خان کے معاون خصوصی برائے احتساب شہزاد اکبر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ انسانیت کے خلاف بھارت کی جارحیت جاری ہے۔ شہزاد اکبر کا کہنا تھا کہ عالمی رہنما بھارتی جارحیت کے خلاف ایک لفظ نہیں بول رہے، نانا کی لاش پر بیٹھے نواسے کی تصویر عالمی ضمیر اور سلامتی کونسل پر دھبہ ہے۔ https://twitter.com/ShazadAkbar/status/1278493475491721218 خیال رہے کہ گزشتہ روز مقبوضہ کشمیر کے 3 سالہ بشیر کی تصویر سوشل میڈیا پر وائرل ہوئی تھی جس میں وہ اپنے نانا کے مردہ جسم کے قریب بیٹھا تھا۔ کشمیری بزرگ بھارتی فورسز کے بارہ مولا میں نام نہاد آپریشن کی آڑ میں اندھا دھند فائرنگ سے شہید ہوگئے تھے جو اپنے 3 سالہ نواسے کے ساتھ جارہے تھے۔ یہ بھی پڑھیں: دوسری شادی سے روکنا بیوی کا جرم بن گیا، ظالم شوہر کا سرعام وحشیانہ تشدد قابض بھارتی فورسز 2 ہفتے میں 37 سے زائد کشمیریوں کو شہید کر چکی ہیں جبکہ بھارتی فورسز گھر گھر تلاشی کے دوران خواتین کو ہراساں کرنے اور نوجوانوں کو بلا جواز گرفتار کرنے کا سلسلہ جاری رکھے ہوئے ہے۔