کراچی: گورنر سندھ عمران اسماعیل نے پاکستان اسٹاک ایکسچینج پر حملے کی شدید مذمت کرتے ہوئے اسے پاکستان کی معیشت پر حملہ قرار دیا ہے ۔  گورنر سندھ عمران اسماعیل نے کہاکہ انہیں شبہ ہے کہ اس حملے میں انٹرنیشنل ہاتھ ملوث ہے ۔ یہ پاکستان کی اکانومی کو نقصان پہنچانے کی سازش ہے، ابھی کچھ نہیں کہہ سکتے کہ اس حملے کے پیچھے کس کا ہاتھ ہے ، لیکن اس حملے میں ان طاقتوں کا ہاتھ ہے جو پاکستان کو تباہ کرنا چاہتی ہے۔ گورنر سندھ نے کہا  کہ قطعی طور پر   فوراً نہیں کہا جا سکتا  لیکن اس حملے کے پیچھے ہندوستان کی خفیہ ایجنسی را ملوث ہوسکتی ہے ۔عمران اسماعیل نے کہا کہ جیسا کہ ہم سب جانتے ہیں کہ کورونا کی وجہ سے  تقریباً ہر ملک بدترین معاشی بحران کا شکار ہے ۔ یہ بھی پڑھیں: پاکستان اسٹاک ایکسچینج پر دہشت گردوں کا حملہ ناکام ، 2 حملہ آوروں سمیت 5 ہلاک پاکستان بھی اسی صورتحال کا سامنا کررہا ہے لیکن اس سے بھی کم سطح پر اس کی جی ڈی پی کی شرح نمو -0.4 فیصد رہ گئی ہے جبکہ ہندوستان 4فی صد پر ہے۔ یورپی انہوں نے مزید کہا کہ اٹلی اور اسپین سمیت ممالک کم ہوکر 12 فیصد رہ گئے ہیں ۔ گورنر سندھ نے واقعے کا نوٹس لیتے ہوئے انسپکٹر جنرل سندھ سے تفصیلی رپورٹ طلب کرلی۔ انہوں نے آئی جی اور سیکیورٹی اداروں کو بھی ہدایت کی کہ وہ اس بات کو یقینی بنائیں کہ ذمہ داروں  کو مثالی سزا دی جائے۔قبل ازیں گورنر سندھ نے  ایک ٹویٹ میں کہا کہ  پی ایس ایکس پر حملے کی شدید مذمت کرتے ہیں جس کا مقصد دہشت گردی کے خلاف جاری جنگ کو نقصان پہنچانا ہے۔ آئی جی اور سیکیورٹی ایجنسیوں کو ہدایت کی ہے کہ وہ اس بات کو یقینی بنائیں کہ قصوروار زندہ پکڑے جائیں اور ان کو مثالی سزا دی جائے۔ ہم ہر قیمت پر سندھ کا تحفظ کریں گے۔ https://twitter.com/ImranIsmailPTI/status/1277478306602840065