پی ایس ایل 11: آج پشاور زلمی اور ملتان سلطانز کا بڑا مقابلہ

پی ایس ایل11 میں آج پشاور زلمی اور ملتان سلطانز مدِمقابل آئیں گی۔

میچ شام سات بجے نیشنل سٹیڈیم کراچی میں کھیلا جائے گا جس میں پشاور زلمی کی قیادت بابر اعظم کریں گے جبکہ ملتان سلطانز کے کپتان آشٹن ٹرنر ہونگے۔

واضح رہے پی ایس ایل11 میں دونوں ٹیموں نے پانچ پانچ میچز کھیلے ہیں، جس میں دونوں ٹیمز کو ایک میچ میں شکست کا سامنا کرنا پڑا اور چار میچز میں کامیابی حاصل ہوئی۔

پوائنٹس ٹیبل پر پشاور زلمی کا پہلا اور ملتان سلطانز کا دوسرا نمبر ہے۔